ରୋଦନ୍ତି କୁ ଉତ୍କଳରେ ରୋଦନ୍ତୀ, ରୁଦନ୍ତି, କାନ୍ଦୁରୀ ଗଛ, ଇଂରାଜୀରେ ଗୋଲ୍ଦିକ, ସଂସ୍କୃତରେ ସବତୋୟା, ସଞ୍ଜିବନୀ, ଅମୃତ ସାବା, ରୋମାଞ୍ଚିକା, ମହାମାନସି, ରାଣା ପାତ୍ର ଓ ସୁଧାସର୍ବ, ରୁଦ୍ରନ୍ତିକା କୁହନ୍ତି । ଏହି ଗଛ ଦେଖିବାକୁ ସୋଲ ଗଛ ଭଳି, ପାଣି କୂଳିଆ ସ୍ଥାନ ମାନଙ୍କରେ ଥାଏ । ଏହି ଗଛରୁ ସର୍ବଦା ଲାଳ ବୋହୁଥାଏ, ସେଥିପାଇଁ ଏହାର ନାମ ରୋଦନ୍ତୀ ବା କାନ୍ଦୁରୀ ଗଛ । ଏହି ଜଳ ଅଳ୍ପ ମଧୁରିଆ ଲାଗେ ବୋଲି ଗଛ ମୂଳରେ ପିମ୍ପୁଡି ଜନ୍ଦା ମାନେ ଦେଖାଯାନ୍ତି ।
ରୋଦନ୍ତି ଗଛର ପତ୍ର ଚାଖିଲେ ଅଳ୍ପ ଲୁଣୀ ଲାଗେ, ଧୋଇକାରୀ ଚାଖିଲେ ଲୁଣୀ ଲାଗେ ନାହିଁ । ଫୁଲର ବର୍ନ ଅନୁସାରେ ଏହି ଗଛ ଚାରି ପ୍ରକାର ଶ୍ଵେତ, ନୀଳ, ହଳଦିଆ ଓ ଲାଲ, ସବୁ ଜାତି ଗଛ ପ୍ରାୟ ଏକା ଭଳି । ତାହେଲେ ଆସନ୍ତୁ ଜାଣିବା ଏହାର ଆୟୁର୍ବେଦିକା ଗୁଣ କଣ ଅଛି । ରୋଦନ୍ତି କଟୁଯୁକ୍ତ, କାଶୟରସ, ଉଷ୍ମବୀର୍ଯ୍ୟ, ଅଗ୍ନି ବର୍ଦ୍ଧକ, ଶୁକ୍ର ବର୍ଦ୍ଧକ ଓ ରସାୟନ ଏବଂ ରକ୍ତପିତ, କଫ, ଶ୍ଵାସ, କ୍ଷୟ, କୃମି, କୁଷ୍ଠ, ପିତ, ମେହ ଓ ଜରା ବ୍ୟାଧି ନାଶକ ଅଟେ । ରୋଦନ୍ତି ଗଛକୁ ଜଳରେ ସିଝାଇ ସେହି ଜଳରେ ମହୁ ମିଶାଇ ତିନି ପାନ ସେବନ କଲେ ଯାବତିୟ କାସ ଓ କଫ ଶୀଘ୍ର ଭଲ ହୋଇଥାଏ ।
ରୋଦନ୍ତି ପତ୍ର ସହିତ ଗୋଲମରୀଚ ସାତଟି ବାଟି ପ୍ରତିଦିନ ସକାଳେ ଏକ ପାନ କରି ଭକ୍ଷଣ କଲେ ବାତ ରକ୍ତ, କୁଷ୍ଠ, ଗଣ୍ଠି ବାତ, ବାତ ଜ୍ଵର, ବାଗୀ, ରକ୍ତ ବିକାର ଯାବତିୟ ଚର୍ମରୋଗ ଭଲ ହୋଇଥାଏ । ରୋଦନ୍ତି ଗଛର ପଞ୍ଚଙ୍ଗ ଆଣି ଶୁଖାଇ ଚୁର୍ଣ କରି ରଖିବେ ଓ ଯେଉଁ ସ୍ତ୍ରୀ ର କ୍ଷୀର ହେଉନଥିବା ଏଥିରୁ ଅଧଭରିଏ ନେଇ ଦ୍ରବ୍ୟ ଦୁଗ୍ଧରେ ଗୋଳି ସେ ସ୍ତ୍ରୀ ପିଇଲେ ସେଇ ସ୍ତ୍ରୀର କ୍ଷୀର ହୋଇଥାଏ । ରୋଦନ୍ତି ପତ୍ର ରସ ସହିତ ଅଳ୍ପ ମିଶ୍ରି ଗୁଣ୍ଡ ମିଶାଇ ସେବନ କରାଇଲେ ଯାବତୀୟ କୃମି, ବାତ ପିହୁଳା ଏଇ ସବୁ ରୋଗ ଆଦି ଭଲ ହୋଇଥାଏ । ତାହେଲେ ଆପଣ ତ ଜାଣିଲେ ଏହାର ଆୟୁର୍ବେଦିକ ଗୁଣ ।
ଏଥର ଆସନ୍ତୁ ଜାଣିବା ଏହାର ତାନ୍ତ୍ରିକ ଗୁଣ କଣ ଅଛି
ରବିବାର ସକାଳୁ ସ୍ନାନସାରି ରୋଦନ୍ତି ଗଛର ମୂଳ ଆଣି ବାହୁରେ ବାନ୍ଧିଲେ ବହୁ ପଥ ଚାଲିଲେ ମଧ୍ୟ କ୍ଲେଶ ହୁଏ ନାହିଁ । ରୋଦନ୍ତି ଚେର ସାଥିରେ ଥିଲେ ସମସ୍ତେ ଦେଖିଲେ ଭୟ କରନ୍ତି । ରୋଦନ୍ତି ଚେର ମସ୍ତକରେ ଖୋସିଲେ କଣ୍ଠସ୍ଵର ମଧୁର ହୁଏ । ରୋଦନ୍ତି ଗଛକୁ ଯାହା ନାମ ଧରି ବିଶାଖା ନଖେତ୍ରରେ ଉପାଡିଦେବ ସେ ପ୍ରାଣୀ ନିଶ୍ଚୟ ତୁମର ବଶୀଭୂତ ହୋଇ ରହିବା ।
ବିଦ୍ର- ଇଣ୍ଟରନେଟରେ ଥିବା ବିଷୟବସ୍ତୁ ଉପରେ ଆଧାର କରି ଏହି ସୂଚନା ଦିଆଯାଇଛି । ଏହାର ସଠିକତା, ସମୟାନୁବର୍ତ୍ତୀତା ଏବଂ ବାସ୍ତବତା ପାଇଁ ଆମେ ଦାୟିତ୍ଵ ଗ୍ରହଣ କରୁନାହୁଁ । ଏହା ଆପଣଙ୍କୁ ଆମର ଅନୁରୋଧ ଯେ କୌଣସି ପ୍ରତିକାର ଚେଷ୍ଟା କରିବା ପୂର୍ବରୁ ପ୍ରଥମେ ଡାକ୍ତରୀ ପରାମର୍ଶ ନେବା ଆବଶ୍ୟକ । ଆଗକୁ ଆମ ସହ ରହିବା ପାଇଁ ଆମ ପେଜକୁ ଲାଇକ କରନ୍ତୁ ।