ଆଖିରେ ଆଖିଏ ଲୁହ ପାଟିରୁ କଥା ବାହାରୁ ନାହି । ହାତ ଯୋଡି ସମସ୍ତଙ୍କୁ କାକୁତି ମିନତୀ ହେଉଛନ୍ତି ହଜୁର ଆମକୁ ଘର ଖଣ୍ଡିଏ ଦିଅନ୍ତୁ । ହେଲେ କେହି ତାଙ୍କ କଥା ଶୁଣୁ ନାହାନ୍ତି । ଏମିତି ଏକ ହୃଦୟସ୍ପର୍ଶୀ ଘଟଣା ଦେଖିବାକୁ ମିଳିଛି ନୂଆପଡା ଜିଲ୍ଲା ଖଡିୟାଲ ବ୍ଲକ ଚାନ୍ଦିବାଲା ଗାଁଏ । ଏହି ଗାଁର ଦଣ୍ଡସେନାଙ୍କ ଦୁଖ କହିଲେ ନ ସରେ । ବୟସ ୭୦ ଟପିଲାଣି । ତାଙ୍କ ସ୍ତ୍ରୀ ମଧ୍ୟ ଜୀବନର ଅପରାହ୍ନରେ । ଦୁହିଙ୍କର ୩ ପୁଅ ମଧ୍ୟରୁ ମଝିଆ ପୁଅର ମୃତ୍ୟୁ ହୋଇଛି ।
ଅନ୍ୟ ୨ ପୁଅ ନିଜ ପରିବାର ସହ ଦାଦନ ଯାଇଛନ୍ତି । ପୁଅଙ୍କର ଘର ଥାଇ ମଧ୍ୟ ବାପା ମାଙ୍କୁ କେହି ରଖୁ ନାହାନ୍ତି । ଇଚ୍ଛା ନ ଥିଲେ ମଧ୍ୟ ଚେଲୀ ଗୁହାଳରେ ରହୁଛନ୍ତି ବୃଦ୍ଧ ଦମ୍ପତି । ବୃଦ୍ଧା କସ୍ତୁରୀ ନିଜର ୩ ଛେଳି ସହ ଗାଁର ଅନ୍ୟ ଛେଳି ଚରାଉଛନ୍ତି । ସରକାରଙ୍କ ସହାୟତା କହିଲେ ୧୦ କିଲୋ ଚାଉଳ ସହ ୫୦୦ ଟଙ୍କା ମିଳୁଛି । ଆଜିର ମହଙ୍ଗା ଯୁଗରେ ଏତିକିରେ ଚାଲିବା କେତେ କଷ୍ଟକର ତାହା ବୁଝି ହେଉଛି ।
ଖଣ୍ଡେ ଘର ପାଇଁ ସରପଞ୍ଚଙ୍କ ଠାରୁ ଭିଡିଓ ପର୍ଯ୍ୟନ୍ତ ସମସ୍ତଙ୍କୁ ଗୁହାରି କରିଛନ୍ତି । ହେଲେ କେହି ଶୁଣୁ ନାହାନ୍ତି । ଗୋଟେ ପକ୍ଷରେ ସରକାର କହୁଛନ୍ତି ସମସ୍ତଙ୍କୁ ରହିବା ପାଇଁ ବାସଗୃହ ଦିଆଯିବ । କେହି ଭୋକରେ ରହିବେ ନାହି । କିନ୍ତୁ ସରକାର ନିଜେ କହୁଥିବା କଥା କେତେ ରଖୁଛନ୍ତି ତାହା ଏହି ଦୁଇ ବୃଦ୍ଧ ଦମ୍ପତିଙ୍କ କାହାଣୀ ଦେଖିଲେ ଜଣା ପଡୁଛି ।
ଜଣେ ମଣିଷ ଛେଳି ଗୁହାଳରେ ରହିବ ଏହି ସଭ୍ୟ ସମାଜ ପ୍ରତି ଅପମାନ ଭଳି ଲାଗୁଛି । ସରକାରି ଯୋଜନା କଣ ଖାଲି ବଡ ଲୋକଙ୍କ ପାଇଁ । ଏପରି ଅନେକ ପ୍ରଶ୍ନ ଏବେ ସମସ୍ତଙ୍କ ମନରେ ଉଙ୍କି ମାରୁଛି । ବୃଦ୍ଧା ଦମ୍ପତି କହିଛନ୍ତି ଯେ ତାଙ୍କ ପୁଅ ମାନେ କେହି ତାଙ୍କୁ ପଚାରୁ ନାହାନ୍ତି । ସେମାନେ ଛେଳି ଗୁହାଳରେ ନିଜର ଦିନ ରାତି କଟାଉଛନ୍ତି । ଏହା ଠାରୁ ଦୁଖଦାୟକ କଥା ତାଙ୍କ ଜୀବନରେ ଆଉ କିଛି ନାହି ।
ମାଗି ଯାଚି ନିଜର ପେଟ ପୋଷଣ କରୁଛନ୍ତି ଦୁଇ ବୃଦ୍ଧା ଦମ୍ପତି । ତେବେ ସରକାର ଦୁଇ ବୃଦ୍ଧା ଦମ୍ପତିଙ୍କୁ ଆର୍ଥିକ ସାହାଜ୍ଯ କରିବା ସହ ତାଙ୍କୁ ଘର ଖେଣ୍ଡେ ଦେଲେ ଦୁହେଁ ବହୁତ ଉପକୃତ ହୁଅନ୍ତେ ବୋଲି କୁହା ଯାଉଛି । ଏହି ଘଟଣା ରେ ସରକାର ଦ୍ରୁଷ୍ଟି ଦେବା ଉଚିତ । ବାସ୍ତବରେ ଦୁଇ ବୃଦ୍ଧା ଦମ୍ପତିଙ୍କ ଜୀବନ କାହାଣୀ ହୃଦୟକୁ ଛୁଇଁ ଯାଇଛି ।
ବନ୍ଧୁଗଣ ଆପଣ ମାନଙ୍କର ଏହି ଘଟଣାକୁ ନେଇ ମତାମତ କଣ ଆମକୁ କମେଣ୍ଟ ଜରିଆରେ ଜଣାଇବେ । ଆମ ପୋଷ୍ଟଟି ଭଲ ଲାଗିଥିଲେ ଆମ ସହ ଆଗକୁ ରହିବା ପାଇଁ ଆମ ପେଜକୁ ଗୋଟିଏ ଲାଇକ କରନ୍ତୁ ।
