ନମସ୍କାର ବନ୍ଧୁଗଣ, ଆପଣ ମାନେ ଓଲିଉଡ ଅଭିନେତା ତଥା କେନ୍ଦ୍ରାପଡା ସାଂସଦ ଅନୁଭବ ମହାନ୍ତି ଙ୍କୁ ବେଶ ଭଲ ଭାବେ ଜାଣିଥିବେ । ସେ ଅଭିନେତ୍ରୀ ବର୍ଷା ପ୍ରିୟାଦର୍ଶିନୀ ଙ୍କୁ ପ୍ରେମ ବିବାହ କରିଥିଲେ । କିନ୍ତୁ ବିବାହର କିଛି ବର୍ଷ ପରେ ଦୁହିଙ୍କ ମଧ୍ୟରେ ଆରମ୍ଭ ହୋଇଥିଲା ପାରିବାରିକ କଳହ ଯାହାକୁ ନେଇ ଦୁହେଁ କୋର୍ଟ ର ଦ୍ଵାରସ୍ଥ ହୋଇଥିଲେ । ତେବେ ଦୁହିଙ୍କ ମାମଲା ରେ ଏବେ ଆସିଛି ନୂଆ ମୋଡ ।
ଦୁହେଁ ବାରମ୍ବାର କୋର୍ଟ ଯାଉଥିଲେ ମଧ୍ୟ ଦୁହିଙ୍କର ମାମଲା ଏବେ ବି ବିଚାରଧିନ ଅବସ୍ଥା ରେ ରହିଛି ଯାହାକୁ ନେଇ ଚର୍ଚ୍ଚା ଥମିବାର ନାଁ ନେଉ ନାହି । ଆସନ୍ତୁ ଜାଣିବା ସେହି ବିଷୟରେ ସଂପୂର୍ଣ୍ଣ ବିବରଣୀ । ବହୁ ଚର୍ଚ୍ଚିତ ସାଂସଦ ଅନୁଭବ ମହାନ୍ତି ଓ ଅଭିନେତ୍ରୀ ବର୍ଷା ପ୍ରିୟଦର୍ଶନୀଙ୍କ ପାରିବାରିକ ବିବାଦ ମାମଲା । ଆଜି ପରିବାର ଅଦାଲତରେ ଶୁଣାଣି ପାଇଁ ହାଜର ହେଲେ ଅନୁଭବ ମହାନ୍ତି ଏବଂ ବର୍ଷା ପ୍ରିୟଦର୍ଶନୀ ।
ଆଉ କଟକ ପରିବାର ଅଦାଲତରେ ପ୍ରଥମେ ଅନୁଭବ ମହାନ୍ତି ପହଞ୍ଚିବା ପରେ ପହଞ୍ଚି ଥିଲେ ଅଭିନେତ୍ରୀ ବର୍ଷା ପ୍ରିୟଦର୍ଶନୀ । ପୂର୍ବରୁ କୋର୍ଟଙ୍କ ନିର୍ଦ୍ଦେଶ ଅନୁଯାଇ ଆଜି ବର୍ଷା ହାଜର ହୋଇଛନ୍ତି । ପାରିବାରିକ କୋର୍ଟରେ ହାଜର ହେବା ପାଇଁ ନିର୍ଦ୍ଦେଶ ଦେଇଥିଲା କୋର୍ଟ । ତେବେ ଗତ କିଛି ଦିନ ହେବ ସ୍ଵାମୀ-ସ୍ତ୍ରୀଙ୍କ ମଧ୍ୟରେ ଲାଗିଥିବା ବିବାଦର ଜବନିକା ଆଜି ପଡିବ କି ନା ପୁଣି ଥରେ ସବୁ ରାଗ ଆଉ ଅଭିମାନ ଭୁଲି ଦୁହେଁ ସ୍ଵାମୀ-ସ୍ତ୍ରୀ ଭଳି ରହିବେ ।
ଏହାକୁ ନେଇ ଆଜି ମୁହାଁ ମୁହିଁ କଥା ହୋଇ ପାରନ୍ତି ସାଂସଦ ଅନୁଭବ ମହାନ୍ତି ଏବଂ ତାଙ୍କ ପତ୍ନୀ ବର୍ଷା ପ୍ରିୟଦର୍ଶନୀ । ଏଠି କହି ରଖିବାକୁ ଚାହିଁବୁ ଯେ, ଗତ ୧୪ ତାରିଖରେ ଉଭୟ ପରିବାର ଅଦାଲତରେ ହାଜର ହୋଇଥିଲେ । ଆଉ ସେଦିନ ବିଚାରପତି କାଉନ୍ସିଲିଙ୍ଗ ବି କରିଥିଲେ କିନ୍ତୁ ସଫଳତା ମିଳି ପାରି ନଥିଲା । ଆଉ ଆଜି ପୁଣି ଥରେ ଉଭୟଙ୍କ ମଧ୍ୟରେ କାଉନ୍ସିଲିଙ୍ଗ ହୋଇ ପାରେ । ଆଉ ସେଥିପାଇଁ ଠିକ ସମୟ ପୂର୍ବରୁ ସାଂସଦ ଅନୁଭବ ମହାନ୍ତି ଏବଂ ତାଙ୍କ ପତ୍ନୀ ବର୍ଷା ପ୍ରିୟଦର୍ଶନୀ କଟକ ସ୍ଥିତ ପାରିବାରିକ ଅଦାଲତରେ ହାଜର ହୋଇଛନ୍ତି ।
ଏଠି କହି ରଖିବାକୁ ଚାହିଁବୁ ୨୦୧୪ ମସିହାରେ ସାଂସଦ ଅନୁଭବ ମହାନ୍ତି ଭୁବନେଶ୍ବର ରେ ବର୍ଷାଙ୍କୁ ବିବାହ କରିଥିଲେ । ଆଉ ୨୦୨୦ ରେ ଦିଲ୍ଲୀର ଏକ କୋର୍ଟରେ ବିବାହ ବିଚ୍ଛେଦ ନିମନ୍ତେ ଅନୁଭବ ଆବେଦନ କରିଥିଲେ । ଯାହାକୁ ଏ ପର୍ଯ୍ୟନ୍ତ ଚ୍ୟାଲେଞ୍ଜ କରି ଆସୁଛନ୍ତି ବର୍ଷା ପ୍ରିୟଦର୍ଶନୀ । ତେବେ ଦେଖିବାକୁ ବାକି ରହିଲା ଆଜି ଘଟଣା କେଉଁ ମୋଡ ନେଉଛି । ତା ହେଲେ ବନ୍ଧୁଗଣ ଏହି ଖବର ଉପରେ ଆପଣ ମାନଙ୍କର ମତ କଣ ଆମକୁ କମେଣ୍ଟ ମାଧ୍ୟମରେ ନିଶ୍ଚୟ ଜଣାଇବେ, ଧନ୍ୟବାଦ ।