ଛୋଟ ବେଳେ ଆମେ କେତେ ସବୁ ବୁଦ୍ଧି ପରୀକ୍ଷା ପ୍ରଶ୍ନ ର ଉତ୍ତର ଦେଇଥାଉ, ହେଲେ ବଡ଼ ହେଲା ପରେ ବହୁତ୍ କିଛି ଅଭ୍ୟାସ ଛାଡି ହେଇଯାଏ । ଆମେ ଯଦି ପିଲାଦିନ କଥା ମନେ ପକେଇବା, ସମସ୍ତେ ଖୁସି ହେଇ ଯିବେ । ଆଜି ଆମେ ଆପଣଙ୍କୁ ପିଲାଦିନକୁ କିଛି ସମୟ ପାଇଁ ନେଇଯାଉଛୁ । ଏ ପ୍ରଶ୍ନ ଆଉଥରେ ଆପଣ ଙ୍କୁ ପିଲାଦିନ କଥା ମନେ ପକେଇ ଦେବ । ଆଜିକାଲି ଛୋଟ ପିଲା ଏସବୁ କୁ ଇଂଲିଶ ରେ ପଜଲ୍ କୁହନ୍ତି ।
ଯେକୌଣସି ପ୍ରଶ୍ନ କୁ ବୁଲେଇ ବଙ୍କେଇ ପଚାରିବା କୁ ପଜଲ ବା ବୁଦ୍ଧି ପରୀକ୍ଷା ପ୍ରଶ୍ନ କୁହନ୍ତି ।
ଏହାର ଉତ୍ତର ଦେବା ପାଇଁ ବ୍ୟକ୍ତି କୁ ବୁଦ୍ଧି ପ୍ରୟୋଗ କରିବାକୁ ପଡ଼ିଥାଏ । ଆଜି ଆମେ ଏମିତି ପ୍ରଶ୍ନ ପଚାରିବାକୁ ଯାଉଛୁ ଯେ ଯାହା ତୁମ ପାଇଁ ଠିକ୍ ଏବଂ ତା ସହ ତୁମ ମନୋରଞ୍ଜନ ବି ହେବ । ଆଜି କିଛି ଏମିତିକା ପ୍ରଶ୍ନ ପଚାରିବୁ ଯାହା ଉତ୍ତର ସମସ୍ତେ ସହଜରେ ଦେଇପାରିବେନି । ତେବେ ଆସନ୍ତୁ ଜାଣିବା ସେହି ସବୁ ପ୍ରଶ୍ନ ବିଷୟରେ, ଯାହାର ଉତ୍ତର ଦେବାକୁ ଆପଣଙ୍କୁ ମଧ୍ୟ ମଜା ଲାଗିବ ।
୧. ଲମ୍ବ ରେ ଛୋଟ, କାମରେ ହିନ ଓ ଗୀତ ବଜାଇବା ଅଭ୍ୟାସ ଯାହାର, ତାର ନାମ କଣ ?
ସେ ହେଉଛି ମଶା, ଯିଏ କାନ ପାଖରେ ଗୀତ ଗାଏ ଓ ମଣିଷକୁ କାମୁଡି ହଇରାଣ ବି କରେ ।
୨. ଦିନରେ ସୁଏ, ରାତିରେ ଯେତେ କାନ୍ଦେ ସେତେ ସରିସରି ଯାଏ, କୁହ ସେ କିଏ ?
ମହମବତୀ, ଦିନରେ ଏହାର ଆବଶ୍ୟକତା ନଥାଏ କିନ୍ତୁ ଅନ୍ଧାର ରେ ଏହା କାମ ରେ ଆସେ ଓ ଯେତେ ଜଳେ ଏହା ସରି ସରି ଯାଏ ।
୩. ଏମିତି ସେ କିଏ ଯାହାର ଗୋଡ଼ ନାହିଁ ସେ ଚାଲେ ।
ଘଣ୍ଟା, ଏହାର ଗୋଡ ନଥାଇ ମଧ୍ୟ ଏହା ଚାଲିଥାଏ ।
.୪. ଯାହାକୁ ପୁଅ ବର୍ଷ ସାରା ପିନ୍ଧେ, ଓ ଝିଅ ବର୍ଷ ରେ ଥରେ ପିନ୍ଧେ, କୁହ ସେ କଣ?
ପଇତା, ପଇତା କୁ ପୁଅ ମାନେ ବର୍ଷ ସାରା ପିନ୍ଧନ୍ତି ହେଲେ ଝିଅ ମାନେ କେବଳ ଥରେ ପିନ୍ଧନ୍ତି ଯେତେବଳେ ବଟବୃକ୍ଷ ର ପୂଜା କରାଯାଏ । ହେଲେ ଏ ରୀତି ଏବେ ବନ୍ଦ ହେଇଗଲାଣି, ଆଉ କଉଁଠି ଏ ସବୁ ଦେଖିବାକୁ ମିଳୁନି ।
