ଓଡିଆ ସିନେମାର ଏହି ସବୁ ଦିଗଜ୍ଜ କଳାକାର ଯେଉଁମାନଙ୍କ ମୃତ୍ୟୁରେ ସାରା ଓଡିଶା ହୋଇଯାଇଥିଲା ସ୍ତବ୍ଦ

ନମସ୍କାର ବନ୍ଧୁଗଣ, ଆଜି ଆମେ ଆପଣଙ୍କୁ କିଛି ଏଭଳି କଳାକାର ମାନଙ୍କ ବିଷୟରେ କହିବୁ ଯେଉଁମାନେ ଆଉ ଏ ଦୁନିଆରେ ନାହାନ୍ତି । ତେବେ ଓଡିଆ ସିନେମା ଜଗତର ଏହି ସବୁ କଳାକାର ମାନେ ହେଲେ ଅତି ଲୋକପ୍ରିୟ । ଯେଉଁ ମାନେ ନିଜ ଅଭିନୟ ଦ୍ଵାରା ସମସ୍ତଙ୍କ ହୃଦୟରେ ଘର କରିଥିଲେ । ଆଜି ସେମାନେ ସବୁଦିନ ପାଇଁ ଏ ଦୁନିଆରୁ ବିଦାୟ ନେଇ ଯାଇଛନ୍ତି । କହିବାକୁ ଗଲେ ଓଡିଆ ସିନେ ଜଗତର ମେରୁଦଣ୍ଡ ଭଳି ଥିଲେ ଏହି ବରିଷ୍ଠ କଳାକାର ମାନେ । ତେବେ ଆସନ୍ତୁ ଜାଣିବା ସେମାନେ କିଏ ।

ବିଜୟ ମହାନ୍ତି

୨୦ ଜୁଲାଇ ୨୦୨୦ ରେ ବିଦାୟ ନେଇଥିବା କଳାକାର ବିଜୟ ମହାନ୍ତି ଓଡିଆ ସିନେ ଜଗତର ଜଣେ ବରିଷ୍ଠ ଅଭିନେତା । ସେ ବହୁତ ହିତ ଫିଲ୍ମରେ କାମ କରିଛନ୍ତି, ସେ ତାଙ୍କ ସମୟର ସବୁଠୁ ଭଲ ମୁଖ୍ୟ ଅଭିନେତା ଥିଲେ । ୧୯୭୭ ମସିହାରୁ ସେ ତାଙ୍କର ଅଭିନୟ ଆରମ୍ଭ କରିଥିଲେ ଓ ଆଜି ବି ମଧ୍ୟ ସେ ସାରା ଓଡିଶାବାସୀଙ୍କ ହୃଦୟରେ ଅଛନ୍ତି । ତେବେ ତାଙ୍କର ଛାତିରେ ଯନ୍ତ୍ରଣା ହେଉଥିବାରୁ ତାଙ୍କର ଚିକିତ୍ସା ଚାଲିଥିଲା ଓ ସେ ଏଇ ୨୦ ତାରିଖ ଦିନ ସଂସାର ତ୍ୟାଗ କରିଛନ୍ତି ।

ଦେବୁ ବୋଷ

୨୩ ଅଗଷ୍ଟ ୨୦୧୮ ରେ ସମସ୍ତଙ୍କୁ ଛାଡି ଆରପାରିକି ଚାଲିଯାଇଥିଲେ ଓଡିଆ ସିନେ କଳାକାର ଦେବୁ ବୋଷ । ସମସ୍ତେ ତାଙ୍କୁ ଦେବୁ ଦା ବୋଲି ଡାକୁଥିଲେ, ତାଙ୍କୁ ଓଡିଆ ସିନେ ଜଗତର ଭୀଷ୍ମ ପିତାମହ ବୋଲି ମଧ୍ୟ କୁହାଯାଏ।

ସଲିଲ ମିତ୍ର

ଏକ ସଡକ ଦୁର୍ଘଟଣାରେ ନିଜ ଜୀବନ ହରାଇଥିବା ସଲିଲ ମିତ୍ର ଓଡିଆ ସିନେମାରେ ନିଜର କମେଡି ପାଇଁ ଖୁବ ଚର୍ଚ୍ଚିତ ଥିଲେ । ସେ ଏକ ଭଲ ହାସ୍ୟାଭିନେତା ଥିଲେ କିନ୍ତୁ ୪ ଜୁନ ୨୦୧୯ ରେ ଏକ ସଡକ ଦୁର୍ଘଟଣାରେ ଆଖି ବୁଜିଦେଇଥିଲେ ।

ଅନିତା ଦାସ

ଓଡିଆ ସିନେମା ଜଗତର ମା’ ବୋଲି କୁହା ଯାଉଥିବା ଏହି ଅଭିନେତ୍ରୀ ୧୧ ମଇ ୨୦୧୮ରେ ସବୁଦିନ ପାଇଁ ନିଜର ଆଖି ବୁଜିଥିଲେ । ସେ ପ୍ରଥମେ ନାୟିକା ଭାବେ ନିଜର କ୍ଯାରିୟର ଆରମ୍ଭ କରିଥିଲେ କିନ୍ତୁ ଧୀରେ ଧୀରେ ସେ ମା ରୋଲରେ ଅଭିନୟ କରି ସମସ୍ତଙ୍କ ମନରେ ନିଜ ପାଇଁ ଜାଗା ବନେଇଥିଲେ ।

ହର ପଟ୍ଟନାୟକ

ଏହି ନାମକୁ କିଏ ବା ନଜାଣେ । ଓଡିଆ ଫିଲ୍ମ ଇଣ୍ଡଷ୍ଟ୍ରିର ସବୁଠୁ ବଡ ନା ହେଉଛି ହର ପଟ୍ଟନାୟକ । ସେ ଯେତିକି ଫିଲ୍ମରେ ଅଭିନୟ କରିଛନ୍ତି ତାଠୁ ଅଧିକ ଫିଲ୍ମ ନିର୍ମାଣ କରିଛନ୍ତି । ସେ ଓଡିଆ ଇଣ୍ଡଷ୍ଟ୍ରିରେ କେତେ ନୂଆ ଚେହେରାଙ୍କୁ ରତାରାତି ଷ୍ଟାର ବନେଇଛନ୍ତି । ସେମାନଙ୍କ ପ୍ରତିଭାକୁ ଲୋକଙ୍କ ସମ୍ମୁଖକୁ ଆଣିଛନ୍ତି । ସେ ଥିଲେ ଅନେକ ଅଭିନେତା ଅଭିନେତ୍ରୀଙ୍କର ଗଡଫାଦର । ତାଙ୍କର ଗୋଟେ ଡାଇଲଗ ଆଜି ବି ବହୁତ ଫେମସ ‘ ନାଇଁ ନାଇଁ ନାଇଁମ’ । ତେବେ ୧୩ ଜାନୁଆରୀ ୨୦୧୫ ମସିହାରେ ସେ ଏ ଦୁନିଆ ଛାଡି ଚାଲିଗଲେ । ସେ କ୍ୟାନ୍ସରରେ ପୀଡିତ ଥିଲେ । ଏହିଭଳି ଭିନ୍ନ ଭିନ୍ନ ଖବର ସହ ଅପଡେଟ ରହିବା ପାଇଁ ଆମ ପେଜକୁ ଲାଇକ କରନ୍ତୁ ।