ଚାରି ଦଶନ୍ଧି ଧରି ହିନ୍ଦୀ ଚଳଚ୍ଚିତ୍ରରେ ରାଜ କରୁଥିବା ପୂର୍ବ ଅଭିନେତା ଋଷି କପୁରଙ୍କର ଗୁରୁବାର ଦିନ ଦେହାନ୍ତ ହୋଇଛି, ତାଙ୍କର ଦେହାନ୍ତ ସମୟରେ ତାଙ୍କୁ ୬୭ ବର୍ଷ ହୋଇଥିଲା ଏବଂ ଗତ ୨ ବର୍ଷ ଧରି ସେ କର୍କଟ ରୋଗରେ ପୀଡିତ ଥିଲେ । ତାଙ୍କୁ ଶ୍ୱାସ ନେବାରେ ଅସୁବିଧା ହେଉଥିଲା, ପରେ ତାଙ୍କୁ ଡାକ୍ତରଖାନା ନିଆଯାଇଥିଲା । କିନ୍ତୁ କେହି ଜାଣି ନଥିଲେ କି ଋଷି ଏଥର ଘରକୁ ଫେରିବେ ନାହିଁ, ସେଠାରୁ ସେ ଅନ୍ୟ ଦୁନିଆକୁ ଚାଲିଯିବେ ବୋଲି । ତେବେ ଆଜି ଆମେ ଆପଣଙ୍କୁ କହିବାକୁ ଯାଉଛୁ ତାଙ୍କର କେତେ ସମ୍ପତ୍ତି ଥିଲା ବା ସେ କେତେ ସବୁ ଛାଡି ଯାଇଛନ୍ତି ତାଙ୍କ ପରିବାର ପାଇଁ ।
ତେବେ ଆସନ୍ତୁ ଜାଣିବା ଋଷି କପୁରଙ୍କ କେତେ ସମ୍ପତ୍ତି ଥିଲା । CA Knowledge.com ଅନୁଯାୟୀ, ଋଷି କପୁରଙ୍କ ସମ୍ପତ୍ତି ୨୫୬ କୋଟି ଥିଲା । ଚଳଚ୍ଚିତ୍ର ବ୍ୟତୀତ ବ୍ରାଣ୍ଡ ପ୍ରୋତ୍ସାହନ ମଧ୍ୟ ଋଷି କପୁରଙ୍କ ରୋଜଗାରର ଉତ୍ସ ଥିଲା । ଋଷି କପୁରଙ୍କ ବାର୍ଷିକ ଆୟ ପ୍ରାୟ ୨୦ କୋଟି ଥିଲା । ଏଠାରେ ଜାଣିବା ମଧ୍ୟ ଜରୁରୀ ଯେ ଋଷି କପୁର ତାଙ୍କ ରୋଜଗାରର ଏକ ବଡ଼ ଅଂଶକୁ ଦାନ କରୁଥିଲେ ।
ଋଷି କପୁର ତାଙ୍କ ପଛରେ ତାଙ୍କର ଦୁଇଟି ସନ୍ତାନ ଏବଂ ପତ୍ନୀଙ୍କୁ ଛାଡିଛନ୍ତି । ଏହା ସହିତ ସେ ସେମାନଙ୍କ ପାଇଁ ଅନେକ ଧନ ଛାଡିଛନ୍ତି । ଏକ ଆକଳନ ଅନୁଯାୟୀ, ଋଷି କପୁରଙ୍କ ସମ୍ପତ୍ତି ପ୍ରାୟ ୨୫୬ କୋଟି ଟଙ୍କା ରହିଛି । ଆହୁରି ମଧ୍ୟ ଋଷି କପୁର ମୁମ୍ବାଇର ଏକ ବିଳାସପୂର୍ଣ୍ଣ ବଙ୍ଗଳାରେ ରହୁଥିଲେ, ଯାହାକୁ ‘କୃଷ୍ଣ ରାଜ’ କୁହାଯାଏ । ଋଷି କପୁର କାରକୁ ବହୁତ ଭଲ ପାଉଥିଲେ ଏବଂ ତାଙ୍କ କାର ସଂଗ୍ରହ ବହୁତ ବଡ ଅଟେ । ସେ ରୟାଲ ଏସୟୁଭି କାରଗୁଡ଼ିକୁ ଅଧିକ ଭଲ ପାଉଥିଲେ । ଋଷି କପୁରଙ୍କ କାର ସଂଗ୍ରହରେ ପୋର୍ସେ, ବେଣ୍ଟଲି, ବିଏମଡବ୍ଲୁ ଏବଂ ଅଡି କାର ଅନ୍ତର୍ଭୁକ୍ତ, ଯାହାର ମୂଲ୍ୟ ପ୍ରାୟ ୯ କୋଟି ଟଙ୍କା ।
ତାଙ୍କ ଚଳଚ୍ଚିତ୍ର କ୍ୟାରିଅରରେ ଋଷି କପୁର 90 ରୁ ଅଧିକ ଚଳଚ୍ଚିତ୍ରରେ ଅଭିନୟ କରିଛନ୍ତି । ସେ ଅନେକ ସ୍ମରଣୀୟ ଚଳଚ୍ଚିତ୍ର କରିଥିଲେ । ସେ ଅନେକ ଜାତୀୟ ପୁରସ୍କାର ଗ୍ରହଣ କରିଥିଲେ । ତାଙ୍କ ସମୟରେ ସେ ଏକ ଅଲଗା ଚକୋଲେଟ୍ ହିରୋଭାବେ ନିଜର ପରିଚୟ ସୃଷ୍ଟି କରିଥିଲେ । ତାଙ୍କ ପୁଅ ରଣବୀର ମଧ୍ୟ ଜଣେ ସଫଳ ବଲିଉଡ ତାରକା । ସେ ଅନେକ ହିଟ ଚଳଚ୍ଚିତ୍ର ମଧ୍ୟ କରିଛନ୍ତି । ତେବେ ଋଷି କପୁରଙ୍କ ଝିଅ ରିଦ୍ଧିମା ଫିଲ୍ମ ଇଣ୍ଡଷ୍ଟ୍ରିରୁ ଦୂରରେ ରୁହନ୍ତି ।
