ଜୁଲାଇ ୧ରୁ ଆପଣଙ୍କ ସାଧାରାଣ ଜୀବନ ସହ ଜଡିତ କେତେକ ବଡ ବଡ ନିୟମରେ ବହୁତ ବଡ ପରିବର୍ତ୍ତନ ହେବାକୁ ଯାଉଛି । ଯାହାର ପ୍ରଭାବ ଆପଣଙ୍କ ଉପରେ ହିଁ ପଡିବ । ଜୁଲାଇ ମାସର ୧ ତାରିଖରୁ ହିଁ ବ୍ୟାଙ୍କ ସେବା, ଇନକମ ଟ୍ୟାକ୍ସ ରିଟର୍ନ, ଏଲପିଜି ଗ୍ୟାସ ସହ ଜଡିତ କିଛି କିଛି ନିୟମରେ ପରିବର୍ତ୍ତନ ହୋଇସାରିଛି ।
ତେବେ ଚାଳନ୍ତୁ ଜାଣିବା କେଉଁ ସବୁ ବଡ ପରିବର୍ତ୍ତନର ସାମ୍ନା କରିବାକୁ ପଡିବ ଏହି ଜୁଲାଇ ମାସର ୧ ତାରିଖରୁ । ଏଲପିଜି ଗ୍ୟାସ- ସବୁ ମାସର ୧ ତାରିଖରେ ସବୁ ଗ୍ୟାସ କମ୍ପାନୀମାନେ ନିଜର ଗ୍ୟାସର ମୂଲ୍ୟରେ କିଛି ନା କିଛି ପରିବର୍ତ୍ତନ ଅବଶ୍ୟ କରିଥାନ୍ତି ।
ଏମିତିରେ ଜୁଲାଇ ୧ରେ ବି ଗ୍ୟାସ କମ୍ପାନୀମାନେ ନିଜର ଗ୍ୟାସର ମୂଲ୍ୟ ପୁଣିଥରେ ଧାର୍ଯ୍ୟ କରିବେ । ଏମିତିରେ ଜୁଲାଇ ୧ ରୁ ଗ୍ୟାସର ମୂଲ୍ୟ ବଢିପାରେ ନଚେତ କମିପାରେ । କିନ୍ତୁ ଏହାର ପ୍ରଭାବ ସିଧାସଳଖ ସାଧାରାଣ ଜନତାଙ୍କ ପକେଟ ଉପରେ ହିଁ ପଡିବ ।
ଇନକମ ରିଟର୍ନ
ସେହିଭଳି ଜୁନ ୩୦ ସୁଧା ଯଦି ଆପଣ ନିଜର ଇନକମ ଟ୍ୟାକ୍ସ ରିଟର୍ନ ଫାଇଲ କରି ନାହାନ୍ତି ତେବେ ଜୁଲାଇ ୧ ତାରିଖରୁ ଏଥିପାଇଁ ଆପଣଙ୍କୁ ଦୁଇ ଗୁଣା ଟିଡ଼ିଏସ ଦେବାକୁ ପଡିବ । କାରଣ ଇନକମ ଟ୍ୟାକ୍ସ ରିଟର୍ନ ଫାଇଲ କରିବା ପାଇଁ ସରକାର ଜନତାଙ୍କୁ ଦୁଇ ଦୁଇ ଥର ଚାନ୍ସ ଦେଇସାରିଛନ୍ତି ।
ଏସବିଆଇର ନୂଆ ନିୟମ
ଦେଶର ସବୁଠୁ ବଡ ବ୍ୟାଙ୍କ ଏସବିଆଇ ସବୁବେଳେ ନିଜର କୌଣସି ନା କୌଣସି ନିୟମରେ ପରିବର୍ତ୍ତନ ଆଣିଥାଏ । ପୁଣି ଥରେ ଏସବିଆଇ ଜୁଲାଇ ୧ ରୁ କିଛି ନୂଆ ନିୟମ ଲାଗୁ କରିବାକୁ ଯାଉଛି । ଏହି ନିୟମରେ ବର୍ତ୍ତମାନ ଟଙ୍କା ଉଠାଣ ପୂର୍ବ ଅପେକ୍ଷା ଆହୁରି ମହଙ୍ଗା ହେବ । ଜୁଲାଇ ୧ ରୁ ବେସିକ ସେଭିଙ୍ଗ ବ୍ୟାଙ୍କ ଡିପୋଜିଟ ଖାତାଧାରିମାନେ ମାସକୁ କେବଳ ୪ ଥର ମାଗଣାରେ ନିଜ ଖାତାରୁ ଟଙ୍କା ଉଠାଇ ପାରିବେ । ଏହା ଠାରୁ ଅଧିକ ଥର ଯଦି ଆପଣ ଟଙ୍କା ଉଠାଉଛନ୍ତି ତେବେ ସେମାନଙ୍କୁ ଏକ୍ସଟ୍ରା ଚାର୍ଜ ଦେବାକୁ ପଡିବ । ୪ ଥରରୁ ଅଧିକ ଥର ହେଲେ ପ୍ରତି ଟ୍ରାନ୍ଜାକ୍ଶନ ପାଇଁ ୧୫ ଟଙ୍କା ଓ ଜିଏସଟି ଦେବାକୁ ପଡିବ ।
ଚେକ ବ୍ୟବହାର ଉପରେ ଲାଗୁ ହେବ ନୂଆ ନିୟମ
ଜୁଲାଇ ମାସରୁ ଏସବିଆଇ ଗ୍ରାହକମାନଙ୍କ ପାଇଁ ଚେକ ମାଧ୍ୟମରେ ଟଙ୍କା ଉଠାଣ ମହଙ୍ଗା ପ୍ରମାଣିତ ହେବ । କାରଣ ବର୍ତ୍ତମାନ ୧୦ ଟି ଚେକ ପରେ ଯଦି ଅଧିକ ଚେକ ଦରକାର ତେବେ ଗ୍ରାହକଙ୍କୁ ଅଧିକ ଚାର୍ଜ ଦେବାକୁ ପଡିବ । ୧୦ ଟି ଚେକ ପାଇଁ ୪୦ ଟଙ୍କା ଓ ଜିଏସଟି ଏବଂ ୨୫ ଟି ଚେକ ପାଇଁ ୭୫ ଟଙ୍କା ଓ ଜିଏସଟି ଦେବାକୁ ପଡିବ । କିନ୍ତୁ ବରିଷ୍ଠ ନାଗରିକମାନଙ୍କ ପାଇଁ ଏହି ନିୟମ ଲାଗୁ ନୁହେଁ ।
ସିଣ୍ଡିକେଟ ବ୍ୟାଙ୍କ
ଜୁଲାଇ ମାସରୁ ସିଣ୍ଡିକେଟ ବ୍ୟାଙ୍କର ଆଇଏଫଏସସି କୋଡ ବଦଳିବାକୁ ଯାଉଛି । ଏମିତିରେ ସିଣ୍ଡିକେଟ ବ୍ୟାଙ୍କ ସମସ୍ତ ଗ୍ରାହକମାନଙ୍କୁ ତୁରନ୍ତ ନିଜ ନିଜ ଖାତାକୁ ଅପଡେଟ କରାଇବା ପାଇଁ କହିଛି । ଏହା ପଛର ମୁଖ୍ୟ କାରଣ ହେଉଛି ସିଣ୍ଡିକେଟ ବ୍ୟାଙ୍କ କାନାରା ବ୍ୟାଙ୍କ ସହ ମର୍ଜ ହୋଇ ସାରିଛି । ଏହା ସତ୍ବେ ବି କେତେକ ଗ୍ରାହକମାନେ ନିଜର ପୁରୁଣା ପାସବୁକକୁ ବ୍ୟବହାର କରୁଛନ୍ତି । କିନ୍ତୁ ଜୁଲାଇ ୧ ରୁ ବ୍ୟାଙ୍କ ନିଷ୍ପତି ନେଇଛି କି ବର୍ତ୍ତମାନ ସିଣ୍ଡିକେଟ ବ୍ୟାଙ୍କର ସବୁ ଗ୍ରାହକମାନେ ନିଜର ଖାତା ଅପଡେଟ କରିବାକୁ ବାଧ୍ୟ ଅଟନ୍ତି ।