ଆପଣ ସମସ୍ତେ କୌଣସି କାହାଣୀରେ କିମ୍ବା ପୁଣି କୌଣସି କଥାରେ ଏହି କଥା ବିଷୟରେ ନିଶ୍ଚିତ ଶୁଣି ଥିବେ କି ଭଗବାନ ଶିବ ଆଜି ବି ଏହି ଦୁନିଆରେ ଅଛନ୍ତି ଏବଂ ସେ କୈଳାସ ପର୍ବତରେ ନିବାସ କରୁଛନ୍ତି । ଭଗବାନ ଶିବଙ୍କ ସହିତ ଜଡିତ ତୀର୍ଥ ସ୍ଥଳର କଥା କହିଲେ ପ୍ରଥେମ ଅମରନାଥ ଏବଂ କେଦାରନାଥ ବିଷୟରେ ମନରେ ବିଚାର ଆସେ । କିନ୍ତୁ ଆଜି ଆମେ ଆପଣମାନଙ୍କୁ ଭଗବାନ ଶିବଙ୍କ ସହିତ ଜଡିତ ଏକ ତ୍ରିଥ ସ୍ଥଳ ବିଷୟରେ ସୂଚନା ଦେବାକୁ ଯାଉଛୁ । ଯାହା ବିଷୟରେ ପ୍ରାୟତଃ କେହି ବ୍ୟକ୍ତି ଜାଣି ନାହାନ୍ତି । ଆମେ ଯେଉଁ ତୀର୍ଥ ସ୍ଥଳ ବିଷୟରେ କଥାବାର୍ତ୍ତା କରୁଛୁ ତାହା ଶିବଖୋଡୀ ଗୁମ୍ଫା ଅଟେ । ଏହି ଗୁମ୍ଫାରେ ଭଗବାନ ଶିବ ନିଜ ପରିବାରଙ୍କ ସହ ବିରଜାମାନ ଅଛନ୍ତି ।
ଏହି ଗୁମ୍ଫା ଜମ୍ମୁ କାଶ୍ମୀର ରାଜ୍ୟର ଜମ୍ମୁ ଠାରୁ କିଛି ଦୂରରେ ଥିବା ରିୟା ଜିଲ୍ଲାରେ ଶିବଖୋଡୀ ଗୁମ୍ଫା ନାମରେ ଅବସ୍ଥିତ । କୁହାଯାଏ କି ଏହି ଗୁମ୍ଫାରେ ଭଗବାନ ସାକ୍ଷାତ ବିରଜାମାନ ଅଛନ୍ତି । ଏହି ଗୁମ୍ଫାର ଅନ୍ୟ ପଟେ ଅମରନାଥଙ୍କର ଗୁମ୍ଫା ଖୋଲିଥାଏ । ଏହି ଗୁମ୍ଫା ୧୫୦ ମିଟର ଲମ୍ବା ଅଟେ ଏବଂ ଏହି ଗୁମ୍ଫାରେ ଭଗବାନ ଶିବଙ୍କର ୪ ଫୁଟ ଉଚ୍ଚତାର ଶିବଲିଙ୍ଗ ଅଛି । ଏଠି ଶିବଲିଙ୍ଗ ଉପରେ ପ୍ରାକୃତିକ ଭାବରେ ପବିତ୍ର ପାଣିର ଧାରା ବୋହି ଥାଏ । ଏବଂ ଏଠି ଶିବଲିଙ୍ଗ ସହିତ ମାତା ପାର୍ବତୀ, କାର୍ତିକ ଏବଂ ଗଣପତିଙ୍କର ପିଣ୍ଡି ମଧ୍ୟ ଅଛି । ଧାର୍ମିକ ମାନ୍ୟତା ଅନୁସାରେ ଏହି ଗୁମ୍ଫାରେ ଭଗବାନ ଶଙ୍କର ନିଜେ ତିଆରି କରିଛନ୍ତି ।
ପୌରାଣିକ କଥା ଅନୁସାରେ ଥରେ ଭସ୍ମାସୁର ଶିବଙ୍କୁ ପ୍ରସନ୍ନ କରିବା ପାଇଁ ଘୋର ତପସ୍ୟା କରୁଥିଲେ । ଭସ୍ମାସୁରଙ୍କର କଠୋର ତପସ୍ୟାରେ ପ୍ରସନ୍ନ ହୋଇ ଭଗବାନ ଶିବ ପ୍ରକଟ ହୋଇଥିଲେ । ଏହା ପରେ ଭସ୍ମାସୁର ଭଗବାନ ଶିବଙ୍କ ଠାରୁ ଏହି ବର ମାଗିଥିଲେ କି ସେ ଯାହା ଉପରେ ହାତ ରଖିବେ ସେ ଭସ୍ମ ହୋଇଯିବ । ଏବଂ ଶିବ ତାଙ୍କୁ ଏହି ବରଦାନ ପ୍ରଦାନ କରିଲେ । ଏବଂ ଏହା ପରେ ଭସ୍ମାସୁର ଭଗବାନ ଶିବଙ୍କୁ ହିଁ ଭସ୍ମ କରିବା ପାଇଁ ତାଙ୍କ ପଛରେ ଦୌଡିଲେ । ଏହା ପରେ ଭଗବାନ ଶିବ ଏବଂ ଭସ୍ମାସୁରଙ୍କ ମଧ୍ୟରେ ଯୁଧ୍ୟ ଚାଲିଲା । କିନ୍ତୁ ଭଗବାନ ଶିବଙ୍କ ପାଖରେ ଭସ୍ମାସୁରଙ୍କୁ ବଧ କରିବା ସାମର୍ଥ୍ୟ ନ ଥିଲା । ସେଥିପାଇଁ ସେ ଏହି ଗୁମ୍ଫା ତିଆରି କରିଲେ ଏବଂ ଏଠି ଲୁଚିଗଲେ । ଯାହା ବର୍ତ୍ତମାନ ସମୟରେ ଶିବଖୋଡୀ ନାମରେ ପରିଚିତ ଅଟେ ।
ଏହି ପରେ ଭଗବାନ ବିଷ୍ଣୁ ମୋହିନୀ ରୂପ ଧାରଣ କରି ଭସ୍ମାସୁରଙ୍କୁ ଆକର୍ଷିତ କରିବା ପାଇଁ ତାଙ୍କ ସାମାନାରେ ନୁର୍ତ୍ୟ ପ୍ରଦର୍ଶନ କରିଲେ । ଭସ୍ମାସୁର ମୋହିନୀଙ୍କୁ ଦେଖି ସବୁ ଭୁଲି ଯାଇ ତାଙ୍କ ସହିତ ନୁର୍ତ୍ୟ କରିବାକୁ ଲାଗିଲା ଏବଂ ଏହି ସମୟରେ ଭସ୍ମାସୁର ନିଜ ହାତକୁ ହିଁ ନିଜ ମୁଣ୍ଡରେ ରଖିଦେଲେ ଯାହାଦ୍ୱାରା ସେ ନିଜେ ହିଁ ଭସ୍ମ ହୋଇଗଲେ । ତେବେ ଯାଇ ଭଗବାନ ଶିବ ସେହି ଗୁମ୍ଫାରୁ ବାହାରକୁ ଆସିଥିଲେ ।ଏହି ଗୁମ୍ଫାର ଅନ୍ତିମ ରାସ୍ତା ଦେଖାଯାଏ ନାହିଁ ।
ଏମିତି କୁହାଯାଏ କି ଏହି ଗୁମ୍ଫାରେ ସ୍ଥିତ ଶିବଲିଙ୍ଗ ଏବଂ ପିଣ୍ଡିର ଦର୍ଶନ କରିବା ପରେ ଯିଏ ବି ଗୁମ୍ଫାର ଆଗକୁ ଯାଏ ସେ କେବେ ବି ଆଉ ଫେରେ ନାହିଁ । କୁହାଯାଏ କି ଏହି ଗୁମ୍ଫାର ଭିତରେ ଦୁଇଟି ରାସ୍ତା ଅଛି । ଗୋଟିଏ ରାସ୍ତା ଅମରନାଥ ଆଡକୁ ଯାଇଥାଏ ଏବଂ ଅନ୍ୟ ରାସ୍ତା ବିଷୟରେ କାହାକୁ କିଛି ଜଣା ନାହିଁ । କୁହାଯାଏ କି ଏହି ଗୁମ୍ଫାରେ ଭଗବାନ ଶିବ ନିଜେ ବିରଜାମାନ ଅଛନ୍ତି ।
