ଓଡିଶା ସରକାର କରୋନା ସହ ଲଢିବା ପାଇଁ ନୂଆ ନିଷ୍ପତ୍ତି ନେଇଛନ୍ତି, ପ୍ରଥମ ଥର ସରକାର କେବଳ ୫ଟି ଜିଲ୍ଲା ଉପରେ ଏହା ଲାଗୁ କରିଥିଲେ କିନ୍ତୁ ଆଜି ରାତି ୧୨ଟାରୁ ଏହା ସମଗ୍ର ଓଡିଶାରେ ଲାଗୁ କରାଗଲା । ଆଜି ରାତି ୧୨ଟାରୁ ସମସ୍ତ ୩୦ଟି ଜିଲ୍ଲା ରେ ତାଲାବନ୍ଦ ହେବାର ଘୋଷଣା କରାଯାଇଛି । ଆଜିଠାରୁ ୨୯ ମାର୍ଚ୍ଚ ପର୍ଯ୍ୟନ୍ତ ରାଜ୍ୟର ସମସ୍ତ ଜିଲ୍ଲା ଲକ୍ ଡାଉନ୍ କରିବାକୁ ସରକାର ନିଷ୍ପତ୍ତି ନେଇଛନ୍ତି । ତେବେ ଏହି ତାଲାବନ୍ଦ ସମୟରେ ସମସ୍ତ ଜରୁରୀକାଳିନ ସାମଗ୍ରୀ ଦୋକାନ ଖୋଲା ରହିବ । ଯେମିତିକି ପନିପରିବା, ଗ୍ରୋସେରୀ, ମେଡିସିନ ଆଦି ।
କିନ୍ତୁ ଲୋକେ ମାନେ ଏହାକୁ ନ ମାନି ବାହାରେ ବୁଲାବୁଲି କରିବାରୁ ସରକାର ଚିନ୍ତାରେ ପଡି ଯାଉଛନ୍ତି । ସେଥିପାଇଁ ସରକାର ଏହି ନିୟମକୁ ନ ପାଳନ କରୁଥିବା ଲୋକଙ୍କୁ କଡା ଦଣ୍ଡ ଦିଆଯିବ ବୋଲି ନିଷ୍ପତ୍ତି ନେଇଛି । ଯାହାକୁ ରାସ୍ତାରେ ବୁଲିବାର ଦେଖାଯିବ ବିନା କାରଣରେ ସେମାନଙ୍କୁ ପୋଲିସ କଡା ଦଣ୍ଡ ଦେବ । ଏହିଭଳି କିଛି ଘଟଣା ମଧ୍ୟ ସାମ୍ନାକୁ ଆସି ସାରିଲାଣି । କନ୍ଧମାଳରେ ଜଣେ ଏହାକୁ ନ ମନି ବିବାହ କରିବାକୁ ଯାଉଥିଲେ ତ ପୋଲିସ ତାକୁ ଗିରଫ କରିଛି ।
ତେବେ ଏହି ଭାଇରସରୁ ବଞ୍ଚିବା ପାଇଁ ସରକାର ଯେଉଁ ପଦକ୍ଷପ ନେଉଛନ୍ତୁ ଏହାକୁ ମାନିବା ଆମ ସାଧାରଣ ଜନତାଙ୍କ କର୍ତ୍ତବ୍ୟ । କାହିଁକି ନା ବର୍ତ୍ତମାନ ପର୍ଯ୍ୟନ୍ତ ଏହାର କୌଣସି ଔଷଧ ବାହାରି ନାହିଁ । ଏହା ଏକ ନୂଆ ଭାଇରସ ଯାହା ସାରା ପୃଥିବୀରେ ବ୍ୟାପିବାରେ ଲାଗିଛି । ଇଟାଲୀ ଭଳି ଦେଶ ଯାହାର ହେଲ୍ଥ କେୟାର ସବୁଠୁ ଭଲ ସେଠାରେ ୬ ହଜାରରୁ ଉର୍ଦ୍ଧ ଲୋକ ମୃତ୍ୟୁ ବରଣ କଲେଣି । ତେବେ ଭାବନ୍ତୁ ଯଦି ଏହା ଆମ ଦେଶରେ ବ୍ୟାପେ ତେବେ ଏହା କେତେ କ୍ଷତି ପହଞ୍ଚାଇବ । ସେଥିପାଇଁ ନିଜେ ସୁରକ୍ଷିତ ରହିବା ପାଇଁ ନିଜ ଘରେ ରୁହନ୍ତୁ ।
କିଛି ଲୋକ ଲକ୍ ଡାଉନ୍ କୁ ନ ମାନି ରାସ୍ତାରେ ବୁଲିବାକୁ ବାହାରି ପଡ଼ୁଛନ୍ତି ସେହିଭଳି ଲୋକ ମାନଙ୍କୁ ଆମର ଗୋଟେ ଉପଦେଶ ଦୟାକରି ଆପଣମାନେ ଘରେ ରୁହନ୍ତୁ ଓ ନିଜ ସହ ନିଜ ପରିବାର ଲୋକନଙ୍କର ଧ୍ୟାନ ରଖନ୍ତୁ । ବଞ୍ଚି ରହିଲେ ତ ଆଗକୁ ବହୁତ ବୁଲିବାର ସୁଯଗ ପାଇବେ କିନ୍ତୁ ଯଦି ଥରେ ଏହି ମହାମାରୀ ବ୍ୟାପୀ ଯାଏ ତେବେ ସେଥିରୁ କାହାରି ବି ବଞ୍ଚିବା ସମ୍ଭବ ନୁହେଁ, କାହିଁକି ନା ଏହାର ଚିକିତ୍ସା ଏ ପର୍ଯ୍ୟନ୍ତ ବାହାରି ନାହିଁ ।