ବେମାରିଆ ମାଆ ପଡିଛି ମେଡିକାଲ ବେଡରେ ଆଉ ଡାକ୍ତର ମାଗୁ ଛନ୍ତି ଟଙ୍କା ହେଲେ ଗରିବ ପୁଅ ପାଖରେ ମାର ଦେହ ଭଲ କରିବା ପାଇଁ ଟଙ୍କା ନାହିଁ । ଆଉ କରଜ କରିଥିବା ଟଙ୍କା ମୁଣ୍ଡ ଉପରେ ବୋଝ ପରି ବଢି ବଢି ଯାଉଛି । ସଂସାର ସତେ ଏକ ମଝି ନଈର ଡଙ୍ଗା ପରି ପାଲଟି ଯାଇଛି । ଆଉ ଯାହା ଟଳମଳ ହେବାରେ ଲାଗିଛି ।
ଟଳମଳ ହେଉଥିବା ଏହି ଡଙ୍ଗାକୁ ବଞ୍ଚେଇବା ପାଇଁ ଏହି ପରିବାର ଲାଗି ପଡିଛି ଲୋକଙ୍କ ସାହାର୍ଯ୍ୟ ଭିକ୍ଷା ମାଗି । ଆଉ ଯେଉଁ ଦୃଶ୍ୟ ଏତେ ସତ୍ୟ ଥିଲା ଆଉ ଯେଉଁ ଦୃଷ୍ଟ ଏତେ ଜୀବନ୍ତ ଆଉ ବାସ୍ତବିକ ଥିଲା ଯାହା ଦେଖି ନିଜ ଆଖିର ଲୁହ ବୋଲ ମାନୁ ନଥିଲା । ଲୋକ ମାନେ ସତକୁ ସତ ଟଙ୍କା ଦେବା ଆରମ୍ଭ କରିଥିଲେ ଏହି ଦୁଇ ଅଭିନେତାଙ୍କୁ । ଆଜ୍ଞା ହଁ ଏ ହେଉଛି ଯାତ୍ରା ବାଘା ଯତୀନର ଲୋକପ୍ରିୟ ନାଟକ ମଝି ନଈରେ ଜୀବନ ଡଙ୍ଗା ।
ସତେ ବା ଆଜି ଏ ମଝି ନଈରେ ଡଙ୍ଗାଟି ଟଳମଳ ହେଉଛି । ଦୁଃଖ ସେତିକିରେ ସରି ନାହିଁ । ଏପଟେ ଗର୍ଭବତୀ ଭଉଣୀକୁ ମେଡିକାଲ ନେବା ପାଇଁ ବି ଯେତେବେଳେ ଆମ୍ବୁଲାନ୍ସକୁ ଫୋନ କରା ଗଲା ସେତେବେଳେ ଆମ୍ବୁଲାନ୍ସ ବି ମାଗିଲା ଟଙ୍କା । ହେଲେ ଭାଇ ପାଖରେ ଟଙ୍କା ନ ଥିବାରୁ କେମିତି ନେବ ସେ ତା ଭଉଣୀକୁ ।
ସେଥିପାଇଁ ଗୋଟେ ବଡ ଶିଳା ପଥର ଆଣି ବାହୁଙ୍ଗିର ଗୋଟେ ପଟେ ରଖି ଆଉ ଗୋଟେ ପଟେ ବାହୁଙ୍ଗିରେ ନିଜ ଭଉଣୀକୁ ବସାଇ ମେଡିକାଲ ନେବା ପାଇଁ ବାହାରିଛି ଏ ଭାଇଟି । ଆଉ ଯେଉଁ ଦୃଶ୍ୟ ଦେଖି ଆଖିର ଲୁହ ସତେ ଅବା ବହି ଚାଲି ଥିଲା । ଦର୍ଶକ ଗାଲେରୀରେ ବସିଥିବା ମହିଳା ମାନେ ନିଜ କାନ୍ଦକୁ ଅଟକାଇ ପାରି ନ ଥିଲେ । ଆଉ ଉଠି ଚାଲି ଆସିଥିଲେ ସାହାର୍ଯ୍ୟ କରିବା ପାଇଁ ।
ସତେ ଯେମିତି ଲାଗି ଥିଲା ତାଙ୍କୁ କେହି ଦୁଃଖରେ ସାହାର୍ଯ୍ୟ ମାଗୁଛି । ଏହା ପରେ ଦର୍ଶକ ମାନେ ଦୃଶ୍ୟ ଦେଖି କାନ୍ଦି ପକାଇ ଥିଲେ ଆଉ ସମସ୍ତେ ଏହା ଦେଖି ସାହାର୍ଯ୍ୟ କରିବାକୁ ଆଗେଇ ଆସିଥିଲେ । ଗୋଟେ କଳାକାର ପାଇଁ ଏହା ଠାରୁ ବଡ ପୁରସ୍କାର ଆଉ କଣ ହୋଇପାରେ । ଯେଉଁ ବାଘ ଯତୀନ ଗଣନାଟ୍ୟ ର ମାଝି ନାଇଆ ରେ ଜୀବନ ଡଙ୍ଗା ଏତେ ସଫଳ ହୋଇପାରିଛି ତାହା ବର୍ତ୍ତମାନ ଦର୍ଶକ ବହୁତ ଭଲ ପାଉଛନ୍ତି ।
ସମାଜରେ ଘଟୁଥିବା ନିଛକ ସତ କାହାଣୀର ଦର୍ପଣ ଆଉ ପ୍ରତିବିମ୍ବ ହେଉଛି ଯାତ୍ରା ଜଗତ । ଯାହା କି ସମାଜରେ ଘଟୁଥିବା ସେଇ ଘଟଣାକୁ ଏଭଳି ଢଙ୍ଗରେ ଉପସ୍ଥାପିତ କରୁଛି । ଏହା ଏକ ନାଟକ ବାସ୍ତବ ନୁହେଁ ହେଲେ ନାଟକଟି ସମସ୍ତଙ୍କ ଆଖିରୁ ଲୁହ ଝରେଇ ଥିଲା । ଏହି କଥା ବସ୍ତୁ କୁ ପ୍ରତିଫଳିତ କରିଥିବା କଳାକାର ଙ୍କୁ ଛୁଟୁଛି ପ୍ରଶଂସା ର ସୁଅ । ଆଉ ଲୋକେ ହାତ ଟେକି ଦେଉଛନ୍ତି ସାହାଜ୍ଯ ।ତା ହେଲେ ବନ୍ଧୁଗଣ ଏହି ଭିଡିଓ ଉପରେ ଆପଣ ମାନଙ୍କର ମତ କଣ ଆମକୁ କମେଣ୍ଟ ମାଧ୍ୟମରେ ନିଶ୍ଚୟ ଜଣାଇବେ, ଧନ୍ୟବାଦ ।