ନାରୀ ସମାଜରେ କେବେ ଦୁର୍ବଳ ନୁହନ୍ତି। ଯାହାକୁ ପ୍ରମାଣିତ କରି ଦେଖାଇବା ସହ ଅନ୍ୟ ମାନଙ୍କ ପାଇଁ ଏବେ ଉଦାହରଣ ସାଜିଛନ୍ତି ଦୁର୍ଗମ ଅଞ୍ଚଳର ଜଣେ ଝିଅ । ନିଜର ଦୃଢ଼ ଇଚ୍ଛା ଶକ୍ତି ସାମ୍ନାରେ ପରିସ୍ଥିତି ବି ହାର ମାନିଛି । ବାଇକରେ ଗାଁ ଗାଁ ବୁଲି ପରିବା ବିକି ଘର ଚଳାଇବା ସହ ଦୁଇ ଭଉଣୀଙ୍କୁ ପଢ଼ାଉଛନ୍ତି ପାଠ ।
ହଁ ଦର୍ଶକ ବନ୍ଧୁ ପରିବାର ର ଭରପୋଷଣ କରିବା ପାଇଁ ସାମାଜିକ ତାହି ଟପରାକୁ ପରୱା ନ କରି ପରିବା ବିକ୍ରି ଭଳି ଧନ୍ଦାକୁ ଆଦରି ନେଇଛନ୍ତି ଅଞ୍ଜନା ଦୋରା । ଆଗରୁ ବାଲି ସିମେଣ୍ଟ କାମ କରି ଦୁଇ ପଇସା ରୋଜଗାର କରୁଥିଲେ ହେଲେ ଯାହା ମିଳୁଥିଲା ଘର ଚଳାଇବା ସହଜ ନ ଥିଲା । ଏମିତିରେ ନିଜେ କିଛି କରିବାର ଜୋସ ହିଁ ତାଙ୍କୁ ସବୁ ବାଧାକୁ ଏଡାଇ ଆଗକୁ ବଢିବାର ବାଟ ଦେଖାଇଲା ।
ବ୍ଯାଙ୍କରୁ ଲୋନ କରି ଗାଡିଟି ଆଣିଲେ ଆଉ ଏବେ ଘର ଠାରୁ ଦୂରରେ ଥିବା ବଜାରରେ ତାହା ପରିବା ଆଣି ଗ୍ରାହକଙ୍କର ଆସ୍ଥା ଭଜନ ହେବା ସହ ଦୁଇ ପଇସା ରୋଜଗାର କରିବାରେ ସମର୍ଥନ ହୋଇଛନ୍ତି । ପ୍ରଶାସନଙ୍କୁ ଅଞ୍ଜନା ଗୋଟେ ନିବେଦନ କରିଛନ୍ତି ସରକାର ଯଦି ତାଙ୍କ ପରିବାରକୁ ଆଡ ଆଖିରେ ଅନାନ୍ତେ ତେବେ ସୁଖରେ ଦିନ କାଟନ୍ତେ । ନଚେତ ଏମିତି ଶୋଚନୀୟ ଅବସ୍ଥା ହୋଇ ଜୀବନ ବଞ୍ଚିବା ଛଡା ସେମାନେ ଆଉ କଣ ବା କରିପାରିବେ ।
କାହିଁଙ୍କି ନା ପରିବାରର ଦାରିଦ୍ରତା କାରଣରୁ ଅଞ୍ଜନା ଅଷ୍ଟମ ଶ୍ରେଣୀରୁ ପାଠ ଛାଡି ଦେଇଛନ୍ତି । ବଡ ଭାଇ ବାହା ହୋଇ ଅନ୍ୟତ୍ର ରହୁଥିବା ବେଳେ ଘରେ ବାପା, ମା, ଦୁଇ ଭଉଣୀ ଅଛନ୍ତି । ଘରର ବଡ ଭଉଣୀ ହିସାବରେ ଏବେ ସବୁ ବୋଝ ଅଞ୍ଜନାଙ୍କ ମୁଣ୍ଡ ଉପରେ । ବୁଢା ବାପା, ମା ଙ୍କ ମୁହଁରେ ଦାନା ଯୋଗାଡ କରିବା ସହ ଦୁଇ ଭଉଣୀଙ୍କୁ ପାଠ ପଢାଇବା ହରଚ୍ଚା ବହନ କରୁଛନ୍ତି ଅଞ୍ଜନା । ଅଞ୍ଜନା ଙ୍କ ବାପା ଜଣେ ବଧିର ହୋଇଥିଲେ ମଧ୍ୟ ତାଙ୍କୁ ଭିନ୍ନ କ୍ଷୟମ ଭତ୍ତା ମିଳୁ ନାହାଇ କି ମୁଣ୍ଡ ଗୁଞ୍ଜିବା ପାଇଁ ପରିବାର କୁ ଭଲ ଘର ଖଣ୍ଡେ ନାହି ।
ଜୀବିକା ମିସନ ପ୍ରୋଜେକ୍ଟ ର ମ୍ୟାନେଜର କହିଛନ୍ତି ତୁରନ୍ତ ଅଞ୍ଜନା ଙ୍କୁ ସ୍ଵୟଂ ସହାୟତା ଗୋଷ୍ଠୀ ରେ ସାମିଲ କରିବେ । ଜୀବିକା ମିସନ ପାଖ ରୁ ଋଣ ସହ ଯାହା ଆବଶ୍ୟକ ସେ ସବୁ ସୁବିଧା ସୁଯୋଗ ଦିଆଯିବ । ତା ହେଲେ ବନ୍ଧୁଗଣ ଆପଣ ମାନଙ୍କର ଅଞ୍ଜନା ଙ୍କ ଏଭଳି ସାହସିକତା କୁ ନେଇ ମତ ଆମକୁ କମେଣ୍ଟ ଜରିଆରେ ଜଣାଇବେ, ଧନ୍ୟବାଦ ।